بلاگر نیوزمانیٹرنگ ویب ڈیسک |حیدرآباد
بلاگر نیوز کو موصول ہونے والی انفارمیشن کے مطابق مورخہ 22 جنوری 2024 کو حیسکو کے پانچ سینئر انجنیئرز کو حیسکو سلیکشن بورڈ کی منظوری سے ٹائم اسکیل اپگریڈیشن جاری کر دیا گیا۔
جس میں سیریل نمبر:05 پر موجود سینیئر ایگزیکٹو انجنیئر اختیار احمد میمن کا نام بھی شامل ہے۔ جس کا ٹائم اسکیل اپگریڈیشن اس وقت تضاد کا شکار بن گیا ہے۔ جب حیسکو اکاؤنٹس اینڈ فنانس اسکینڈل 2023 میں ملوث ہونے پر 03 سے چار جگہ پلیس آف پوسٹنگ پر ان کا نام سامنے آیا ہے۔ جس سے متعلق حیسکو ڈپارٹمینٹل انکوائری اور ایف آئی اے کی الگ سے انکوائری جاری ہے۔
چونکہ حیسکو اکاؤنٹس اینڈ فنانس اسکینڈل 2023 میں ملوث حیسکو ایگزیکٹو انجنیئر اختیار احمد میمن کے خلاف ایف آئی اے تحقیات کر رہی ہے۔ جو اب تک مکمل نہیں ہوئی ہے۔ جس میں سینئر ایگزیکٹو انجنیئر اختیار احمد میمن پر آپریشن ڈویژن حیسکو کوٹڑی، قاسم آباد، گاڑی کھاتہ، ڈگھڑی، عمرکوٹ اور ٹنڈو آدم میں حیسکو اکاؤنٹس اینڈ فنانس اسکینڈل 2023 میں کروڑوں روپے خورد بورد اور اضافی ایڈیشنل اماؤنٹ لیکر اڑانے کا الزام ہے۔ اس میں مزید بوگس ملازمین کے نام ماہانہ سیلری جاری کروانے اور اب حیسکو ملازمین کے (اسسیسمینٹ کیس) اسکینڈل میں ملوث ہونے کے الزامات بھی سامنے آرہے ہیں. جس سے متعلق سینیئر ایگزیکٹو انجنیئر حیسکو اختیار احمد میمن کے خلاف اس وقت ایک طرف حیسکو ڈپارٹمینٹل انکوائری جاری ہے، تو دوسری طرف ایف آئی اے اس کروڑوں روپے بدعنوانی کے سنگین کرپشن اسکینڈل پر اپنی تحقیقات کر رہی ہے اور ایک اندازے کے مطابق کچھ ہی عرصے میں یا چند دنوں میں اس سنگین کرپشن اسکینڈل میں ملوث حیسکو افسران و اہلکاران کی گرفتاریاں بھی متوقع ہیں.
ایسی صورتحال میں حیسکو ایچ آر ڈائریکٹر شفیق میمن پر الزام عائد کیا جا رہا ہے، کہ اس نے میمن کمیونٹی کی بنیاد پر سینیئر ایگزیکٹو انجنیئر حیسکو اختیاراحمد میمن کو گریڈ-18 سے گریڈ-19 میں ٹائم اسکیل اپگریڈیشن دلاکر، دیگر حیسکو افسران اور ادارے کے ساتھ سنگین غداری کی ہے۔ حیسکو اور واپڈا قوانین کی دھجیاں اڑاتے ہوئے سروس قوانین کی سنگین خلاف ورزی کی ہے۔
حیسکو کے دیگر افسران نے اس سنگین جرم کے مرتکب ذمہ دار حیسکو افسران scrutiny کمیٹی، حیسکو سلیکشن بورڈ، حیسکو (ایچ آر) ڈائریکٹر شفیق میمن سمیت (سابقہ) حیسکو جی ایم (ٹیکنیکل) گل منیر سرھیو اور دیگر ملوث حیسکو افسران کو سینیئر ایگزیکٹو انجنیئر حیسکو اختیار احمد میمن کو کلین چٹ یعنی No Inquiry سرٹیفیکیٹ جاری کر کے، ٹائم اسکیل اپگریڈیشن دلانے میں سہولت کار/ معاونکار بننے پر، فوری طور گرفتار کر کے قانونی کارروائی کرنے کا مطالبہ کیا ہے۔ تاکہ قانون کی بالادستی برقرار رہے اور آئیندہ کسی حیسکو افسر کو غیرقانونی اقدامات اٹھانے کی جرئت نہ ہو سکے!
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔