بلاگر نیوز مانیٹرنگ ویب ڈیسک | حیدرآباد
بلاگر نیوز کو ذرائع سے موصول ہونے والی انفارمیشن کے مطابق حیسکو اکاؤنٹس اینڈ فنانس اسکینڈل 2023 میں ملوث متعدد حیسکو افسران کی گرفتاریوں کا عمل شروع کر دیا گیا ہے.
ذرائع کے مطابق آج مورخہ 12 مارچ 2024 کو تقریباً صبح:9:30 بجے حیسکو ہیڈکوارٹر میں ایف آئی اے ٹیم نے Raid کیا اور ایکٹنگ چیف فنانشل آفیسر حیسکو حیدرآباد غیاث الدین سمیت اکاؤنٹس آفیسر غلام محمد اور دین محمد کیریو کو گرفتار کیا گیا۔
ذرائع کے غیر تصدیق شدہ انکشاف کے مطابق ابتدائی طور حیسکو اکاؤنٹس اینڈ فنانس اسکینڈل 2023 میں ملوث 04 آپریشن ڈویژن کے افسران و اسٹاف جن کی تقریبآ 36 کے قریب تعداد بتائی جا رہی ہے۔ ان پر ایف آئی آر درج کردی گئی ہے۔ جبکہ آپریشن ڈویژن حیسکو قاسم آباد کے سابقہ ایگزیکٹو انجنیئر اور موجودہ چیف کمرشل آفیسر حیسکو حیدرآباد نثار احمد میمن سمیت موجودہ ڈویژنل اکاؤنٹس آفیسر قاسم آباد گل نظامانی کے خاص کارندے اسسٹنٹ لائن مین بابر زیدی کو بھی ہتھکڑی لگا کر ایف آئی اے ٹیم اپنے ساتھ لے گئی ہے۔ جبکہ ڈویژنل اکاؤنٹس آفیسر آپریشن ڈویژن حیسکو قاسم آباد گل نظامانی سمیت، متعدد دیگر حیسکو افسران انڈر گراؤنڈ ہو گئے ہیں۔
جبکہ ذرائع کے مطابق ایف آئی آر کاپی بھی اس وقت منظرعام پر آ گئی ہے! متعلقہ حیسکو افسران و اہلکاران کو ابتدائی طور تفتیشی عمل کیلئے ایف آئی اے نے اپنی تحویل میں لے لیا ہے. جس سے ظاہر ہوتا ہے، اب مزید حیسکو افسران و اہلکاروں کی گرفتاریاں بھی عمل میں لائی جائیں گی!
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔