بلاگر نیوز مانیٹرنگ ویب ڈیسک | حیدرآباد
بلاگر نیوز کو موصول ہونے والی انفارمیشن کے مطابق سوشل میڈیا پر حیسکو سے متعلق ایک تحریری کمپلینٹ بہت تیزی سے
وائرل ہوئی ہے۔ جس میں حیسکو میں حالیہ پروموشن حاصل کرنے والے افسران کے پروموشن پالیسی کے برعکس پروموشن کرنے اور چیف ایگزیکٹو آفیسر حیسکو کی مقرری کے طریقہ کار پر شدید تنقید کی گئی ہے۔
ادارے اور سروس قوانین کو نظر انداز کرنے پر حیسکو بورڈ آف ڈائریکٹرز اور حیسکو ایچ آر کمیٹی کو آڑے ہاتھوں لے لیا گیا ہے۔ ساٹی پاڑا لطیف آباد حیدرآباد کے رہائشی بشیر احمد کے نام سے یہ لکھی ہوئی تحریر سوشل میڈیا پر بہت تیزی سے وائرل ہو رہی ہے۔
شکایت فیڈرل منسٹر اور فیڈرل سیکریٹری آف اینرجی اینڈ پاور ڈویژن اسلام آباد کو براہ راست لکھی گئی ہے۔ نیب، ایف آئی اے اور متعلقہ ایجنسیز کی کلیئرنس لیئے بغیر کچھ حیسکو افسران کے پروموشنز کر دیئے گئے ہیں۔ جب کہ ایسے افسران پر کرپشن اور بدعنوانی کے الزامات عائد ہیں اور نیب اور ایف آئی اے میں انکوائریاں چل رہی ہیں۔
بلکل اسی طرح پرائیویٹ کمپنی سی ای او کی مقرر کیلئے دبئی یو اے ای کے نیوز پیپر میں ایڈورٹائزمنٹ دی گئی ہے، جو PPRA قوانین کی سنگین خلاف ورزی ہے اور کمپنی سی ای او کی مقرری کے ٹرم اور کنڈیشنز میں بہت بڑا اختلاف سامنے آیا ہے۔
خفیہ ذرائع نے دعویٰ کیا ہے، کہ بشیر احمد نام سے جو کمپلینٹ درج کروائی گئی ہے، حقیقت پر مبنی ہے اس میں درج تمام حقائق کو نظر انداز نہیں کیا جا سکتا۔ ہو سکتا ہے وزارتِ توانائی حیسکو میں اپنی مرضی کا کمپنی سی ای او مقرر کروانا چاہتی ہو، جس کی یہ ایک کڑی ہے۔
آنے والا چیف ایگزیکٹو آفیسر حیسکو کون ہوگا؟
ایک خیال ظاہر کیا جا رہا ہے، کہ آنے والے دنوں میں حال ہی میں PPMC سے واپس آنے والے سپریٹینڈنگ انجنیئر طفیل احمد شیخ جو چند دن پہلے سپریٹینڈنگ انجنیئر سے چیف انجینئر پروموٹ ہوا ہے، آنے والا چیف ایگزیکٹو آفیسر یعنی کمپنی سی ای او بن جائے، جس کے کافی سارے امکانات ظاہر کیئے جا رہے ہیں۔ اس وقت نئے سی ای او حیسکو کو لیکر بہت بڑی بحث چھڑ گئی ہے اور طرح طرح کی چہ مگوئیاں کی جا رہی ہیں۔
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔