بلاگر نیوز مانیٹرنگ ویب ڈیسک | سکھر
بلاگر نیوز کو موصول ہونے والی انفارمیشن کے مطابق پروجیکٹ ڈائریکٹر دانیال ریزیڈینسی ہاؤسنگ اسکیم لاڑکانہ شاہد عباسی نے یہ دعویٰ کیا ہے کہ ہاؤسنگ اسکیم کی منظوری کیلئے 03 کروڑ 33 لاکھ روپے کا ڈیمانڈ نوٹیس ادا کرنے کے باوجود گزشتہ 02 سال سے سیپکو کی طرف سے دانیال ریزیڈینسی ہاؤسنگ اسکیم کو بجلی نہیں دی جا رہی، بلکہ چیف ایگزیکٹو آفیسر سیپکو سعید احمد ڈاوچ سمیت چیف انجنیئر (پلاننگ) منظور سومرو اور پروجیکٹ ڈائریکٹر (کنسٹرکشن) پرویز احمد پھلپوٹو رشوت نہ دینے پر ہاؤسنگ اسکیم کو قانونی طور بجلی دینے میں رکاوٹ بنے ہوئے ہیں۔
پروجیکٹ ڈائریکٹر دانیال ریزیڈینسی ہاؤسنگ اسکیم لاڑکانہ شاہد عباسی نے سیاسی و سماجی شخصیات کے ساتھ سیپکو انتظامیہ اور مذکورہ افسران کے خلاف رشوت لینے کے بینر آویزاں کیئے اور لاڑکانہ شہر کی گلیوں اور چوراہوں پر شدید احتجاج اور نعرہ بازی کی، پریس کلب لاڑکانہ پر پریس کانفرنس کرتے ہوئے بلاول بھٹو اور فریال تالپور کو مخاطب ہو کر مطالبہ کیا کہ فوری طور چیف ایگزیکٹو آفیسر سیپکو سعید احمد ڈاوچ اور دیگر سیپکو افسران کے خلاف قانونی کاروائی کی جائے اور ان کو رشوت طلب کرنے پر عہدوں سے ہٹایا جائے۔ ہاؤسنگ اسکیم کے رہائشیوں سے فوری انصاف کیا جائے، دیگر صورت وہ احتجاج کا دائرہ مزید بڑھائیں گے۔ تاہم اس معاملے پر سیپکو افسران کی جانب سے سوشل میڈیا پر تاحال کوئی ردعمل سامنے نہیں آیا۔
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔