بلاگر نیوز مانیٹرنگ ویب ڈیسک اسلام آباد:
اسلام آباد: 18 اگست 2024 بروز اتوار کو وزیراعظم شہباز شریف نے وزارتِ توانائی میں اصلاحات کے حوالے سے اجلاس کی صدارت کرتے ہوئے
پاور ڈسٹری بیوشن کمپنیوں (ڈسکوز) میں بدعنوان عناصر کے خلاف سخت قانونی کاروائی کرنے کے احکامات جاری کرتے ہوئے بجلی چوری روکنے، لائن لاسز کو کم کرنے اور کاؤنٹی میں بجلی تقسیم کے نظام کو بہتر بنانے کے حکومتی عزم کا اظہار کیا۔
وزارت بجلی کے معاملات کا جائزہ لینے کے لیے منعقدہ اجلاس کی صدارت
کرتے ہوئے ان کا کہنا تھاکہ حال ہی میں پانچ اور مزید چار تقسیم کار کمپنیوں میں نئے بورڈ
چیئرپرسنز اور ممبران کی تقرری شفاف عمل کے ذریعے کی گئی ہے، امید ہے کہ ان
تقرریوں کے نتیجے میں ڈسکوز کی کارکردگی میں بہتری آئے گی۔
وزیر اعظم شہباز شریف نے وزیر بجلی اور سیکرٹری کو ہدایت کی، کہ وہ
بجلی چوری روکنے، ڈسکوز کی کارکردگی کو بہتر بنانے اور دیگر متعلقہ معاملات پر صوبوں
کے ساتھ روابط مضبوط رکھیں۔
انہوں نے کہا اس وقت ملک بھر میں بجلی کی چوری کی روک تھام کے لیے حکومتی
انداز کو اپنانا چاہیے۔ وزیراعظم نے صوبائی حکومتوں کو ہدایت کی کہ وہ پولیس
اہلکاروں اور تحصیلداروں کی خاطر خواہ تعداد کو ڈسکوز کی ضروریات کے مطابق برقرار رکھیں۔
اس وقت وفاقی کابینہ کی منظوری سے 09 پاور ڈسٹریبیوشن کمپنیز تحلیل کر دی گئی ہیں۔ اور اب حیسکو اور سیپکو کے بورڈ آف ڈائریکٹرز کی تحلیل کا جلد امکان ظاہر کیا جا رہا ہے۔ جبکہ پاور سیکٹر کو پبلک پارٹنر شپ کے تحت چلانے کیلئے اور قابل پرائیویٹ چیف ایگزیکٹو آفیسرز کی تعیناتی کیلئے 65 سالہ عمر کی شرط بھی ختم کر دی گئی ہے۔ جس کے بعد اب 72 سالہ رٹائرڈ بیوروکریٹس اور ٹیکنوکریٹس بھی پاور ڈسٹریبیوشن کمپنیز کے چیف ایگزیکٹو آفیسرز تعینات کیئے جائیں گے۔
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔