حیدرآباد: سابق ڈویژنل اکاؤنٹس آفیسر حیسکو میرپورخاص زوھیب احمد چانڈیو کی، ضمانت از قبل گرفتاری درخواست مسترد، عدالت سے گرفتار

حیدرآباد: سابق ڈویژنل اکاؤنٹس آفیسر حیسکو میرپورخاص:

زوھیب احمد چانڈیو کی (ضمانت از قبل گرفتاری) درخواست مسترد، عدالت نے جیل بھیج دیا۔

حیدرآباد: اسپیشل اینٹی کرپشن کورٹ (سنٹرل) حیدرآباد نے حیسکو کے سابق ڈویژنل اکاؤنٹس آفیسر زوھیب احمد چانڈیو کی Pre-Arrest Bail کی درخواست مسترد کر دی ہے اور زوہیب چانڈیو کو جیل بھیج دیا گیا ہے۔

کیس کی تفصیلات:

زوھیب احمد چانڈیو پر FIA نے کرائم نمبر 03/2024 میں دھوکہ دہی، بدعنوانی، دستاویزی جعل سازی اور قومی خزانے کو 25 کروڑ 83 لاکھ 23 ہزار 129 روپے کے نقصان پہنچانے کے الزامات میں مقدمہ درج کیا تھا۔ الزامات کے مطابق، انہوں نے اپنے عہدے کا ناجائز فائدہ اٹھاتے ہوئے نااہل افراد کو چیک جاری کیے اور اپنے ذاتی اکاؤنٹ میں 90 لاکھ روپے سے زائد کی غیر قانونی رقم بھی جمع کرائی۔

عدالت کا فیصلہ:

خصوصی جج برائے انسدادِ بدعنوانی عدالت نے فیصلہ سناتے ہوئے کہا کہ:

• " زوھیب احمد چانڈیو کے خلاف دستاویزی، چشم دید اور قریبی شواہد موجود ہیں، جو انہیں مجرمانہ کارروائیوں سے جوڑتے ہیں۔"
• "زوھیب چانڈیو نے اپنے عہدے کا غلط استعمال کرتے ہوئے، حیدرآباد الیکٹرک سپلائی کمپنی HESCO کو بھاری مالی نقصان پہنچایا اور اپنے مفاد میں غیر قانونی رقم کا استعمال کیا۔"
• "چونکہ چالان جمع کرائے جا چکے ہیں اور الزامات ثابت ہو چکے ہیں، لہٰذا (ضمانت از قبل گرفتاری) کی درخواست مسترد کی جاتی ہے۔"

عدالت نے FIA کی جانب سے جسمانی ریمانڈ کی درخواست بھی مسترد کر دی، عدالت نے کہا، کہ تفتیش مکمل ہو چکی ہے اور اب مزید ریمانڈ کی ضرورت نہیں۔

کورٹ آرڈر پڑھنے اور ڈاؤنلوڈ کرنے کیلئے یہاں کلک کریں!!!

اگلی تاریخ:

زوھیب احمد چانڈیو کو جیل بھیج دیا گیا ہے اور انہیں اگلی سماعت کے لیے پیش کیا جائے گا۔

یہ کیس بدعنوانی کے خلاف حکومتی کارروائیوں کی ایک اور کڑی ہے، جس میں اعلیٰ عہدیداروں کو قانون کے سامنے جوابدہ ٹھہرایا جا رہا ہے۔

مزید اپ ڈیٹس کیلئے ہمارے ساتھ جڑے رہیں۔

---

بلاگر نیوز | تازہ ترین اپ ڈیٹس