اور پھر دوسرے روز یعنی مورخہ 22 اپریل 2022 بروز جمعتہ المبارک کو اسسٹنٹ لائین مین اسرار احمد زخموں کی تاب نہ لاتے ہوئے اپنے مالک حقیقی سے جا ملے. انا للّٰہ وانا الیہ راجعون۔ ایسے ہی حیسکو میں اپنا خون پسینہ بہا کر ایک لائین اسٹاف ملازم اسرار احمد اس ادارے اور کمپنی کیلئے اپنی جان تک سے ہاتھ دھو بیٹھا اور یہ کوئی پہلی بار حادثہ نہیں ہوا۔ حیسکو کی تاریخ لائن اسٹاف کے ایسے سینکڑوں اور ہزارون حادثات سے بھری ہوئی ہے۔ حیسکو اس وقت نا اہل افسران اور نا اہل بی او ڈی اور نا اہل حیسکو مینجمینٹ کی وجہ سے کرپشن کا گڑھ بن چکی ہے۔ جہاں لائین اسٹاف ملازمین کی حفاظت کیلئے کوئی خاطر خواہ انتظامات نہیں کیئے گئے۔ ہائی ٹینشن لائین پر کام کرنے لائین اسٹاف ملازمین کیلئے (بکٹ کرین) کی خریداری کیلئے 2021 میں حیسکو بی او ڈی سے منظوری لی گئی، ٹینڈر بھی جاری کر دیئے گئے اور اب 2022 بھی گذرنے کو ہے۔ مگر حیسکو میں لائین اسٹاف کی حفاظت کیلئے کہیں بھی دور دور تک (بکٹ کرین) کا نام و نشان تک نہیں ہے۔ حیسکو سیفٹی ڈپارٹمینٹ بس تربیتی سیمینار منعقد کرانے کی حد تک محدود ہے۔
واپڈا کی سب سے بڑی سی بی اے کی دعویدار ہائیڈرو یونین کو بھی حیسکو کے اس اہم اثاثے لائین اسٹاف کی کوئی پرواہ نہیں ہے۔ کیوں کہ ہائیڈرو کے اکاؤنٹ میں روزانہ ماہانہ اور سالانہ لاکھوں اور کروڑوں روپے جمع ہو رہے۔ مگر آج ایک گھر سے گھر کو چلانے والا کفیل چلا گیا۔ ایک ماں باپ سے ان کا آخری سہارا چلا گیا۔ ایک خاتوں سے اس کے سر کا تاج بھی گیا اور معصوم یتیم بچوں کے سر سے باپ کا آخری سہارا بھی گیا۔ تو کیا یہ حیسکو مینجمینٹ اس غریب خاندان کے اتنے بڑے حادثے میں نقصان کا ازالہ کر سکے گی؟ کیا معصوم بچوں کو ان کا باپ واپس مل پائے گا؟ حیسکو مینجمینٹ کو نعرے بازی کے بجائے عملی طور باور کرایا جائے تک حیسکو میں فوری طور لائین اسٹاف کی حفاظت کیلئے بکٹ کرین اور دیگر (ٹی اینڈ پی) فوراً مہیا کی جائے اور سیفٹی کے حوالے سے حیسکو سیفٹی ڈپارٹمینٹ کو اپنا ذمیدارانہ کردار ادا کرنا چاہیئے۔
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔