حیسکو قاسم آباد کے لائین اسٹاف انچارج اور ہائیڈرو سب ڈویژنل چیئرمین غلام نبی کھوسو پر بھاری رشوت لینے کا الزام

 بلاگر مانیٹرنگ ویب ڈیسک حیدرآباد | 29 اگست 2022

حیدرآباد سے حیدرآباد انجمنِ تاجران کے رہنماء اور سوشل ورکر محبوب علی ابڑو کی ایک وڈیو وائرل ہوئی ہے، 

جس میں اس نے آپریشن سب ڈویژن حیسکو قاسم آباد کے لائین اسٹاف انچارج اور ہائیڈرو سب ڈویژنل چیئرمین غلام نبی کھوسو پر یہ الزام عائد کیا ہے، کہ لائین اسٹاف انچارج غلام نبی کھوسو ٹرانسفارمر مرمت کی مد میں 40 سے 90 ہزار روپے تک رشوت لیتا ہے اور اتنا نڈر اور دلیر ہے، کہ کہتا ہے ٹرانسفارمر مرمت کے 90 ہزار روپے دو، باقی شکایت جس سے چاہے کرو کچھ نہیں ہوگا، بھلی سی ای او حیسکو کو شکایت کرو کچھ نہیں ہوگا۔ 

محبوب علی ابڑو نے مزید اپنی سوشل میڈیا وڈیو اور پوسٹ میں یہ لکھا اور بتایا ہے کہ شہباز آرکیڈ (مین بازار) قاسم آباد کے ٹرانسفارمر کی مرمت کیلئے 90 ہزار روپے، نسیم شاپنگ مال ٹرانسفارمر کی مرمت کی 40 ہزار روپے اور فیز-1 قاسم آباد ٹرانسفارمر مرمت کی مد میں 60 ہزار روپے غلام نبی کھوسو کو ادا کرنے پر یہ تمام ٹرانسفارمرز رپیئر ہوکر اپنی اپنی جگہ۔ل لگیں گے۔ 

انجمنِ تاجران قاسم آباد حیدرآباد کے رہنماء محبوب ابڑو، فہیم میمن اور عامر پاٹولی نے اس سلسلے میں حیسکو چیف نور احمد سومرو سے بھی ملاقات کی اور غلام نبی کھوسو کی رشوت لینے سے متعلق آگاہ کیا اور عوامی مفاد میں حیسکو قاسم آباد کے کماؤ پوت لائین اسٹاف انچارج غلام نبی کھوسو کے خلاف ڈپارٹمینٹل قانونی کاروائی کرنے کا مطالبہ کیا۔

مگر یاد رہے کہ سابقہ چیف انجنیئر عبدالرحیم سومرو کی ریٹائرمنٹ الوداعی پارٹی میں جو مجرا ڈانس ہوا، تھا جس میں حیسکو چیف نور احمد سومرو نے بطور مہمان خصوصی شرکت کی تھی، اس پارٹی کا تمام خرچہ آپریشن سب ڈویژن حیسکو قاسم آباد کے لائین اسٹاف انچارج اور پاکستان حیسکو ہائیڈرو الیکٹرک لیبر یونین کے (سب ڈویژنل چیئرمین) غلام نبی کھوسو نے خود ادا کیا تھا اور پارٹی میں بہت سارے پیسے بھی لٹائے تھے ، جو وڈیو سوشل میڈیا اور دھوم ٹی وی چینل پر خوب وائرل ہوئی تھی، اور بہت عزت افزائی ہوئی تھی۔

تاہم اپنے آپ پر لگائے گئے الزامات کے جواب میں غلام نبی کھوسو نے تاحال اپنا مؤقف پیش نہیں کیا۔ جبکہ کچھ حیسکو ملازمین کی طرف سے غلام نبی کھوسو کی حمایت میں سوشل میڈیا پر پوسٹیں چلائی جا رہی ہیں۔