بلاگ مانیٹرنگ ویب ڈیسک میرپورخاص
آپریشن سب ڈویژن حیسکو نئوں کوٹ کے ALM عبدالحمید نوہڑی اس وقت بری طرح زخمی ہوگئے جب بروز اتوار 12 فروری 2023 کو حیسکو کے بقایا جات ریکوری ٹیم پر گلن موری کے قریب نامعلوم مصلح افراد نے حملہ کیا۔ نامعلوم حملہ آور موقع سے فرار ہو گئے اور زخمی حیسکو لائن سٹاف اے ایل ایم عبدالحمید نوہڑی کو ابتدائی طبی امداد کیلئے سٹی ہسپتال منتقل کر دیا گیا۔ ذرائع نے مزید بتایا کہ اب لائن مین عبدالحمید نوہڑی کی حالت پہلے سے کافی بہتر ہے ۔ حیسکو لیبر یونین عمرکوٹ ڈویژن اور آپریشن سرکل حیسکو میرپورخاص نے ایس ایس پی میرپورخاص سے واقعے میں ملوث حملہ آوروں کوفوری گرفتار کرنے کا مطالبہ کیا اورچیف ایگزیکٹو آفیسر حیسکو مظفر علی عباسی سے مطالبہ کیا ،کہ فیلڈ فارمیشنز میں حیسکو بقایا جات کی وصولی آپریشن کے دوران حیسکو لائن سٹاف کے لیے مناسب حفاظتی انتظامات فراہم کیئے جائیں۔
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔