بلاگر نیوز مانیٹرنگ ویب ڈیسک | اسلام آباد:
وفاقی بجٹ میں سرکاری ملازمین کی تنخواہوں میں 15 سے 20 فیصد تک اضافے کی تجویز سامنے آ رہی ہے۔ جبکہ ٹرانسپورٹ کی مد میں افسران کو ملنے والی رقم میں اضافے کی تجویز بھی اس وقت زیر غور ہے۔
ذرائع کے مطابق زیادہ امکان یہی ہے کہ گریڈ 01 سے 22 گریڈ کے ملازمین کی تنخواہوں میں 10 فیصد اضافہ ہوگا۔ جس کے نتیجے میں خزانے پر 80 ارب روپے کا اثر پڑیگا ۔
گریڈ 01 سے 18 گریڈ کے ملازمین کیلئے میڈیکل اور کنوینس الاؤنس میں 200 فیصد اضافے کی تجویز دی جا رہی ہے لیکن کتنا اضافہ منظور ہوگا؟ یہ اس کی وضاحت ابھی سامنے نہیں آئی ہے۔
وزارت خزانہ کے ذرائع کے مطابق گریڈ 16 تک کے ملازمین کو 1800 روپے کنوینس الاؤنس اور 1500 روپے میڈیکل الاؤنس مل رہا ہے۔
بیوروکریسی کی موناٹائزیشن پالیسی
17 اور 18 گریڈ کے افسران کو اس وقت 5000 روپے کنوینس الاؤنس مل رہا ہے۔ گریڈ 19 سے اوپر کے سرکاری افسران کو ٹرانسپورٹ مانیٹائزیشن پالیسی کے تحت رقم ملتی ہے۔ اس رقم میں بھی 40 ہزار سے 60 ہزار روپے تک اضافے کی تجویزدی جا رہی ہے۔
وزیراعظم ہاؤس کے ملازمین پر تنخواہوں کی برسات، افسران کوکتنی اضافی تنخواہیں ملیں گی؟
گریڈ 20 تک کے افسران کیلئے مانیٹائزیشن 65 ہزار روپے سے بڑھا کر 1 لاکھ 5 ہزار روپے تک کیئے جانے کا کوی امکان ہے۔ جبکہ گریڈ 21 کے افسران کیلئے 75 ہزار روپے مانیٹائزیشن پالیسی کو بڑھا کر 1 لاکھ 20 ہزار روپے ک کیا جا رہا ہے۔
جبکہ گریڈ 22 کے افسر کو ملنے والی مانیٹائزیشن 95 ہزار روپے سے بڑھا کر 1 لاکھ 55 ہزار روپے کرنے کی تجویز زیر غور ہے۔
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔