بلاگر نیوز مانیٹرنگ ویب ڈیسک اسلام آباد
بجٹ اجلاس جون 2024 کے بحث کے دوران ڈسٹرکٹ سانگھڑ سے جونیجو کے مقابلے میں منتخب ہوکر پارلیمان بننے والی MNA شازیہ مری نے ایس ڈی او حیسکو کی جانب سے ٹنڈو آدم میں (بیرانی) کے نام سے اپنے آبائی گاؤں کی بجلی منقطع کرنے کی شکایت کرتے ہوئے، کہا ہے کہ ایس ڈی او کہتا ہے میرا بس چلے! تو میں آپ کو بجلی ہی نہ دوں! ہم نے کونسا اس کے باپ سے جائیداد کا حصہ مانگا ہے؟
جس پر وزیر توانائی سردار اویس خان لغاری نے کہا کہ محترمہ شازیہ مری یا ان کے کسی اسٹاف کے ساتھ متعلقہ ایس ڈی او حیسکو کے ساتھ اگر اس طرح کی کوئی بدتمیزی کی گئی ہے، تو میں اس ہاؤس میں ان سے معاف مانگتا ہوں، اور اس ہاؤس میں آپ کی سیاسی سپورٹ کی بناں پر متعلقہ ایس ڈی او حیسکو اور چیف ایگزیکٹو آفیسر حیسکو کے خلاف قانونی کارروائی کرنے اور ان کو نوکری سے برطرف کرنے کی سفارش کرتا ہوں۔
جس کے بعد سیکریٹری پاور ڈویژن اسلام آباد سے سختی سے موصول ہونے والی ہدایات پر، متعلقہ ایس ڈی او حیسکو ٹنڈو آدم-2 حافظ محمد عبد اللّٰہ کو معطل کر کے حیسکو ہیڈکوارٹر بٹھادیا گیا ہے اور اس وقت خود چیف ایگزیکٹو آفیسر حیسکو حیدرآباد حیدرآباد روشن اوٹھو کیلئے بھی خطرے کی گھنٹی بج گئی ہے!
تاہم سوشل میڈیا پر وزارتِ توانائی کے ان غیرقانونی اقدامات کو سراہنے کے بجائے شدید تنقید کا نشانہ بنایا جا رہا ہے۔ کہ ایم این اے/ ایم پی ایز سے بجلی بل طلب کرنے پر ان کی عزت مجروح ہوتی ہے! جبکہ حیسکو کے 05 دس ہزار بقایہ جات والے صارفین روزانہ اس عاقب کو جھیلتے ہیں، کیا ان کی عزت مجروح نہیں ہوتی! قانون سب کیلئے برابر ہونا چاہئے! ایک طرف وزارت توانائی بجلی چوری کے خاتمے کی بات کرتی ہے دوسری طرف ایک ایم این اے کے گاؤں میں مفت بجلی سپلائی نہ چلانے پر ایس ڈی او حیسکو اور چیف ایگزیکٹو آفیسر حیسکو کے خلاف قانونی کاروائی اور نوکری سے برطرفی کی دھمکیاں دی جا رہی ہیں!
ایسے ماحول میں حیسکو ریکوری آپریشن بری طرح متاثر ہوگا اور کون افسر اور اسٹاف ریکوری کیلئے اپنی عزت و جان داؤ پر لگا کر ادارے کا امیج بچائے گا، جبکہ خود وزارتِ توانائی ادارے کا مورال گرانے میں کوئی کثر نہیں چھوڑ رہی ہے!
0 تبصرے
ہمیشہ یاد رکھیئے اپنی منزل کی جانب سفر میں لوگ آپ کے راستے میں پتھر بچھائیں گے۔ مگر یہ آپ پر منحصر ہے کہ آپ ان پتھروں سے اپنے لیئے کیا بنائیں گے؟ مشکلات کی ایک دیوار یا مشکلات سے بھرپور منزل کو پار کرنے کیلئے کامیابی کی ایک پل؟ ایک نصیحت ہے کہ اپنی زندگی کو مثالی بنائیں اور کچھ ایسا کر کے دکھائیں۔ جو آپ سے پہلے کسی نے نہ کیا ہو؟ زندگی کامیابی کی طرف مسلسل ایک جدوجہد کا نام ہے۔ بے حس بے مقصد اور بے وجہ زندگی کسی کام کی نہیں۔ لہٰذا سچ کی پرچار کریں، ظالم کے خلاف مظلوم کی حمایت میں ڈٹ کر کھڑے ہو جائیں اور انسانیت کی خدمت کر کے اعلیٰ ظرف ہونے کا ثبوت دیں۔ یہ ہی زندگی ہے۔