حیدرآباد: حیسکو میں غیرقانونی اختیارات کا استعمال: حیسکو (سول ورکس) ڈویژن میں چونکا دینے والے حقائق منظرعام پر

بلاگر نیوز | مانیٹرنگ ویب ڈیسک |  حیدرآباد 

حیسکو میں ایک اور بڑا انتظامی معاملہ: ڈیپوٹیشن پیرڈ کی مدت 

ختم ہونے کے باوجود حیسکو میں تعینات اسسٹنٹ انجنیئر حیسکو (سول) کے 'غیر قانونی' اختیارات استعمال کرنے پر اکاؤنٹس آفیسر کی جانب سے شکایات اور مینجر سول ورکس ڈویژن حیسکو حیدرآباد کی جانب سے انفارمیشن طلب: 

​حیدرآباد (تحقیقی رپورٹ): حیدرآباد الیکٹرک سپلائی کمپنی (حیسکو) کی انتظامیہ ایک بار پھر سنگین انتظامی بے ضابطگیوں اور نان پروفیشنل رویے کی زد میں ہے۔ حالیہ سامنے آنے والی ایک سرکاری لیٹر دستاویز (نمبر: CEO/M-CIVIL/HESCO/HYD/445-48) نے ادارے کے اندرونی نظم و ضبط کی قلعی کھول کر رکھ دی ہے۔

​اس لیٹر کے مطابق، حیسکو (سول) میں تعینات، جناب نثار علی شاہ (SDO Civil)، اپنی ڈیپوٹیشن کی مدت ختم ہونے کے باوجود، نہ صرف سیٹ پر براجمان ہیں، بلکہ اہم سرکاری دستاویزات اور مالیاتی معاملات پر دستخط بھی کر رہے ہیں، جس میں ان کو ایگزیکٹو انجینئر حیسکو سول ورکس ڈویژن ظفر سومرو کی مکمل حمایت حاصل ہے۔

​دستاویزی انکشافات: کیا یہ خاموش ملی بھگت ہے؟

​حیسکو مینجر (سول) حافظ بدرالدین شیخ کی جانب سے ایگزیکٹو انجینئر حیسکو (سول ورکس) ڈویژن ظفر سومرو کو لکھے گئے، اس "انتہائی اہم  ضروری اور حساس لیٹر' میں درج ذیل چونکا دینے والے حقائق سامنے آئے ہیں:

​عارضی ڈیپوٹیشن مدت کا خاتمہ: ایس ڈی او (سول) نثار علی شاہ کی واپڈا (واٹر ونگ) سے حیسکو میں ڈیپوٹیشن کی مدت عرصہ دراز سے ختم ہو چکی ہے۔

​توسیع کا فقدان: واپڈا (WAPDA) کی جانب سے ان کی مدتِ ملازمت میں کوئی توسیع نہیں کی گئی اور نہ ہی کوئی این او سی (NOC) جاری ہوا۔

​غیر قانونی اختیارات کا استعمال: افسوسناک امر یہ ہے کہ قانونی حیثیت ختم ہونے کے باوجود یہ افسر مسلسل دفتری فرائض انجام دے رہے ہیں، جس میں ٹھیکیداروں کے دستاویزات اور MBs (Measurement Books) پر دستخط کرنا شامل ہے—جو کہ براہ راست مالی بدعنوانی اور قانونی پیچیدگیوں کو دعوت دینے کے مترادف ہے۔

​حیسکو انتظامیہ کی بے حسی پر کڑی تنقید:

​یہ معاملہ حیسکو انتظامیہ کی نااہلی کا منہ بولتا ثبوت ہے۔ ایک طرف ادارہ خسارے کا رونا روتا ہے، اور دوسری طرف ایسے افسران کو نوازا جا رہا ہے جن کی تعیناتی کی کوئی قانونی بنیاد ہی موجود نہیں۔

​انتظامی خلا: کیا حیسکو کا ایچ آر (HR) ڈیپارٹمنٹ سو رہا تھا؟ ایک افسر کی ڈیپوٹیشن ختم ہو جاتی ہے اور اسے مہینوں تک کام کرنے دیا جاتا ہے، یہ کسی "بڑے گٹھ جوڑ" کے بغیر ممکن نہیں لگ رہا۔

​مالیاتی رسک: بغیر کسی قانونی حیثیت کے ٹھیکیداروں کے بلز اور فائلوں پر دستخط کرنا حیسکو کے لیے مستقبل میں بڑے قانونی مقدمات کا سبب بن سکتا ہے۔ یہ (نان پروفیشنلزم) کی انتہا ہے کہ ایک غیر متعلقہ شخص ادارے کے مالیاتی فیصلوں پر اثر انداز ہو رہا ہے۔

​اہم سوالات جو جواب طلب ہیں!

​سوشل میڈیا پر اس خط کے وائرل ہونے کے بعد عوامی حلقوں اور ملازمین میں تشویش کی لہر دوڑ گئی ہے۔ اس حوالے سے چند اہم سوالات اٹھائے جا رہے ہیں:

​سوال نمبر 1: ڈیپوٹیشن کی مدت ختم ہونے کے فوری بعد متعلقہ افسر کو ریلیو (Relieve) کیوں نہیں کیا گیا؟

​سوال نمبر 2: کیا نثار علی شاہ کو کسی بااثر شخصیت کی پشت پناہی حاصل ہے جس کی وجہ سے وہ "غیر قانونی" طور پر کام جاری رکھے ہوئے ہیں؟

​سوال نمبر 3: ان کی مدت ختم ہونے کے بعد سے اب تک جتنے بھی مالیاتی دستاویزات پر دستخط ہوئے، ان کا ذمہ دار کون ہوگا؟ کیا ان ٹھیکوں کی انکوائری ہوگی؟

​سوال نمبر 4: کیا چیف لاء آفیسر حیسکو اس معاملے پر غیر جانبدارانہ رائے دیں گے یا روایتی طور پر معاملے کو دبانے کی کوشش کی جائے گی؟

​اب کیا ہوگا؟

​حیسکو مینجر (سول) نے اس معاملے کو "MOST URGENT" قرار دیتے ہوئے ریکارڈ طلب کر لیا ہے، تاکہ قانونی رائے لی جا سکے۔ لیکن سوال یہ ہے کہ کیا یہ صرف ایک کاغذی کارروائی ہے؟ یا واقعی حیسکو انتظامیہ اپنی ساکھ بچانے کے لیے کوئی ٹھوس قدم اٹھائے گی؟

​حیسکو (HESCO) جیسے اہم ادارے میں اس طرح کے انتظامی ڈھول کا پول کھلنا اس بات کی غمازی کرتا ہے، کہ یہاں میرٹ اور قانون سے زیادہ "تعلقات" کی حکمرانی ہے۔ اب دیکھنا یہ ہے کہ چیف ایگزیکٹو آفیسر حیسکو حیدرآباد اس غیر قانونی تسلسل کو توڑتے ہیں یا؟

حیسکو مینجر سول حافظ بدرالدین کی جانب سے ایگزیکٹو انجنیئر حیسکو سول ورکس ڈویژن ظفر سومرو کو لکھا گیا لیٹر حاصل کرنے کیلے یہاں کلک کرہں

اس پوسٹ پر آپ کی رائے ہمارے لیے اہمیت کی حامل ہے۔ شکریہ